ЖЧ-2026 чорак финалининг барча жуфтликлари аниқланди

Тошкент, Ўзбекистон (UzDaily.uz) — 2026 йилги футбол бўйича жаҳон чемпионатининг чорак финал босқичида иштирок этадиган барча жамоалар аниқланди. Кейинги босқичга йўлланмани қўлга киритган сўнгги терма жамоа Швейцария бўлди. У 1/8 финалда Колумбияни пенальтилар сериясида мағлуб этди.

Чорак финалда Швейцария терма жамоаси амалдаги жаҳон чемпиони Аргентинага қарши майдонга тушади.

Қолган учта жуфтликни Франция ва Марокаш, Испания ва Бельгия, шунингдек Англия ва Норвегия терма жамоалари ташкил қилди.

Чорак финал баҳслари 9–12 июль кунлари бўлиб ўтади.

Жаҳон чемпионати АҚШ, Канада ва Мексикада ўтказилмоқда. Турнир тарихида илк бор унинг финал босқичида 48 та миллий терма жамоа иштирок этмоқда. Финал учрашуви 19 июль куни бўлиб ўтади. Амалдаги жаҳон чемпиони Аргентина терма жамоаси ҳисобланади.