Тошкент, Ўзбекистон (UzDaily.uz) — «Ҳамкорбанк» кузатув кенгаши ҳар бир оддий акция учун 0,75 сўм, имтиёзли акция учун эса 1,25 сўм миқдорида дивиденд тўлашни тавсия қилди.
Мазкур қарор кузатув кенгашининг 2026 йил 28 октябрь куни бўлиб ўтган йиғилишида қабул қилинди.
Оддий акциялар бўйича дивидендлар уларнинг жорий бозор қийматининг 0,6 фоизини ташкил этади.
Тўловлар бўйича якуний қарорни акциядорлар 2026 йил 26 ноябрга белгиланган навбатдан ташқари умумий йиғилишда қабул қилиши керак. Банк ушбу йиғилиш ўтказилиши ҳақида 2 ноябрь куни эълон қилган.
Йиғилишда иштирок этиш ҳуқуқига T+2 ҳисоб-китоб циклини инобатга олган ҳолда 2026 йил 18 ноябрь ҳолатига шакллантирилган акциядорлар реестрига киритилган акциядорлар эга бўлади.
