Flyadeal Намангандан Жидда шаҳрига парвозларни бошлади
Тошкент, Ўзбекистон (UzDaily.uz) — 15-январь кунидан бошлаб Саудия Арабистонининг арзон авиаташувчиси Flyadeal Жидда ва Наманган шаҳарлари ўртасида мунтазам парвозларни йўлга қўйди. Бу ҳақда Uzbekistan Airports матбуот хизмати хабар берди.
Парвозлар ҳафтасига уч марта — душанба, чоршанба ва жума кунлари амалга оширилади. Йўловчиларни ташиш учун Airbus A330 самолётлари хизмат кўрсатади.
Uzbekistan Airports вакиллари Flyadeal ўтган йилнинг ноябрь ойи охиридан бошлаб Ўзбекистон билан тўғридан-тўғри мунтазам рейсларни амалга оширишни бошлаганини эслаб ўтди. Мазкур авиаташувчи икки давлат ўртасида ҳар куни парвозлар амалга оширади.
