ЕТТБ: 2017-йилда Ўзбекистоннинг ЯИМ ўсиши 6,2 фоизни ташкил этади

Тошкент, Ўзбекистон (UzDaily.uz) -- Европа тикланиш ва тараққиёт банки 2016-йилда Ўзбекистон ялпи ички маҳсулотининг ўсиши прогнозини 6,5 фоизда қолдирди. Бу ҳақда ЕТТБнинг ноябрь ойидаги ҳисоботда келтирилди.

ЕТТБ экспертларининг прогнозига кўра, 2017-йилда Ўзбекистон иқтисодиётининг ўсиши 6,2 фоизни ташкил этади. Банк 2017-йил учун ўз прогнозини ҳам сақлаб қолди.

Банк прогнозига кўра, Ўзбекистонда 2016-2017-йилларда инфляция даражаси 9 фоиз даражасида қолади. Бу кўрсаткич бўйича ҳам банк прогнози ўзгармади.

Эслатиб ўтамиз, Ўзбекистон ҳукумати 2016-2017-йилларда ЯИМни 2015-йил якунларига кўра, 8 фоиз ўрнига 7,8 фоиз даражасида ўсишини прогноз қилмоқда.