Бахтиёр Саидов ИҲТ Вазирлар Кенгаши йиғилишида иштирок этди
Тошкент, Ўзбекистон (UzDaily.uz) — 28 ноябрь куни Ўзбекистон ташқи ишлар вазири Бахтиёр Саидов Иқтисодий ҳамкорлик ташкилоти (ИҲТ) Ташқи ишлар вазирлари кенгашининг йиғилишида иштирок этди.
Учрашув давомида аъзо давлатлар ўртасидаги ҳамкорликни мустаҳкамлашнинг асосий мавзулари, жумладан, яшил энергияни ривожлантириш ва ўзаро алоқаларни кучайтириш муҳокама қилинди. Вазир барча давлатлар умумий мақсадга эга эканлигини таъкидлади: халқларининг фаровонлигини ошириш ва барқарор ривожланишни таъминлаш.
Бахтиёр Саидов минтақа ва умуман дунё ҳозирда тез ўзгаришларни бошдан кечираётганини ва ИҲТ аъзо давлатлари бизнес ҳамжамиятлари ўртасида самарали ҳамкорлик учун қулай шароитлар яратиш бўйича саъй-ҳаракатларни бирлаштириш вақти келганини таъкидлади.
