UZCARD Бизнес-картаси банк тармоғини кенгайтирмоқда

Тошкент, Ўзбекистон (UzDaily.uz) — UZCARD тўлов тизими кичик бизнес учун инфратузилмани ривожлантиришда давом этмоқда: бизнес-карта янада кўпроқ банкларда тақдим этилмоқда, маҳсулотнинг ўзи эса якка тартибдаги тадбиркорлар ва ўзини ўзи банд қилган шахслар орасида кенг жорий этилмоқда.

Бугунги кунда UZCARD бизнес-картасини Anorbank, APEXBANK, Asia Alliance Bank, NBU, Universalbank, Turonbank, SQB, Tenge Bank, Mikrokreditbank, Biznesni rivojlantirish banki, Hayot Bank ва Aloqabankларда расмийлаштириш мумкин. Яқин вақтларда Asakabank, Agrobank, Ipoteka-bank ва Hamkorbank ҳам ушбу тармоққа қўшилади.

Бизнес-карта чакана савдо ва хизмат кўрсатиш соҳасида фаолият юритувчи тадбиркорлар учун ихтисослаштирилган молиявий восита сифатида ишлаб чиқилган. У тушумни жамлаш, операцион харажатларни — харидлардан тортиб коммунал тўловлар ва солиқларгача — тўлаш, шунингдек, зарурат туғилганда банкоматлар орқали нақд пул ечиб олиш имконини беради.

Бизнес-картадан NFC функсиясига эга Андроид қурилмалардаги SoftPOS билан биргаликда фойдаланиш мумкин. Бу тушумни автоматик равишда ҳисобга ўтказиш ва келиб тушган маблағлардан кундалик фаолиятда тезкор фойдаланиш имконини беради. Маблағлардан дам олиш ва байрам кунлари ҳам — 24/7 режимида фойладаниш мумкин.

Бизнес-карта эмиссиясининг кенгайиши тадбиркорларнинг кундалик иш жараёнларини соддалаштирадиган ҳамда молиявий хизматларни кичик бизнеснинг реал вазифаларига янада мослаштирадиган ечимларга талаб юқори эканини тасдиқлайди.

UZCARD. Қулай яшанг.

Реклама хукуклари асосида