Тошкент ҳалқа метро йўли эртароқ иш бошлайди

Тошкент, Ўзбекистон (UzDaily.uz) — 1 майдан бошлаб Тошкентда метрополитеннинг ер усти ҳалқа йўналиши иш режими ўзгаради. Пойтахт метроси матбуот хизмати маълум қилишича, ушбу йўналишда поездлар ҳаракати бир соат олдин бошланади.

Янги жадвалга кўра, линия ҳар куни соат 05:00 дан 23:00 гача фаолият юритади. Илгари поездлар ҳаракати соат 06:00 дан 23:00 гача амалга оширилар эди.

Метрополитенда таъкидланишича, жадвалдаги ўзгаришлар йўловчиларга хизмат кўрсатиш сифатини ошириш ва жамоат транспортидан фойдаланувчилар учун қўшимча қулайликлар яратишга қаратилган.

Шу билан бирга, Тошкент метрополитенининг бошқа линиялари иш режими ўзгаришсиз қолади. Чилонзор, Ўзбекистон ва Юнусобод линиялари ҳар куни соат 05:00 дан 00:00 гача фаолият кўрсатишда давом этади.