Тошкент, Ўзбекистон (UzDaily.uz) — Россия Марказий ҳарбий округига қарашли 201-гвардия ҳарбий базаси ҳарбий хизматчилари «Ҳамкорлик-2026» қўшма тактик ўқув машғулотларида иштирок этиш учун Ўзбекистонга етиб келди.
Россия ҳарбий бўлинмалари ҳарбий ва махсус техникада Тожикистон ҳамда Ўзбекистоннинг тоғли ҳудудлари бўйлаб 300 километрдан ортиқ масофани босиб ўтиб, «Термиз» полигонига етиб келди. Бу ҳақда Россия Марказий ҳарбий округи хабар берди.
Етиб келганидан сўнг Россия ҳарбийлари техникага техник хизмат кўрсатиш ва уни ўқув машғулотларининг фаол босқичига тайёрлашга киришди.
Ўзбекистон ва Россия ўртасидаги қўшма тактик ўқув машғулотлари 20–27 октябрь кунлари «Термиз» полигонида бўлиб ўтади.
Манёврлар давомида икки мамлакат ҳарбий хизматчилари чегараолди ҳудудларида шартли ноқонуний қуролли тузилманинг кичик гуруҳларини аниқлаш ва йўқ қилиш бўйича ҳамкорликда ҳаракатланишни машқ қилади.
Ўқув машғулотларига тоғ ва штурм бўлинмалари, разведка ва зарба беришга мўлжалланган учувчисиз учиш аппаратлари экипажлари, ер усти робототехника мажмуалари, шунингдек, Ми-24 вертолётлари жалб этилади.
