Ўзбекистон Ташқи ишлар вазири АҚШ вакиллари билан стратегик шерикликни ривожлантириш масалаларини муҳокама қилди

Тошкент, Ўзбекистон (UzDaily.uz) — 27 октябрь куни Ўзбекистон Республикаси Ташқи ишлар вазири Бахтиёр Саидов АҚШнинг Жанубий ва Марказий Осиё ишлари бўйича махсус элчиси Сержио Гор ва Давлат котиби ўринбосари Кристофер Ландау билан учрашди.

Томонлар Ўзбекистон ва АҚШ ўртасидаги икки томонлама муносабатларда савдо ва инвестициялардан тортиб таълим ва инновацияларгача бўлган барча соҳаларда мисли кўрилмаган суръатлар кузатилаётганини таъкидладилар.

Музокаралар давомида давлат раҳбарлари даражасида эришилган келишувларни ўз вақтида ва тўлиқ амалга ошириш, шунингдек, келажакдаги алоқалар учун узоқ муддатли кун тартиби муҳокама қилинди.

Вазир Саидов таъкидлаганидек, Ўзбекистон ва АҚШ минтақанинг барқарор ривожланиши учун стратегик шерикликни янада мустаҳкамлаш ва ҳамкорликни кенгайтириш учун барча имкониятларни сафарбар қилиш ниятида.