Ўзбекистон-Туркия бизнес форуми Тошкентда бўлиб ўтади

Тошкент, Ўзбекистобекистон-Туркия бизнес форуми 5 май куни Тошкентда бўлиб ўтади ва икки мамлакат бизнес ҳамжамиятлари вакиллари ўртасида тўғридан-тўғри мулоқот учун платформа яратади.

Тадбир амалий тажриба алмашиш, ҳамкорликнинг долзарб масалаларини муҳокама қилиш ва Ўзбекистон ва Туркия бизнеслари ўртасида узоқ муддатли, барқарор шерикликни ривожлантиришга қаратилган.

Форум икки мамлакатнинг иқтисодий ва инвестиция салоҳиятини намойиш этади, ҳамкорликнинг асосий тармоқлари ва устувор йўналишларига эътибор қаратади. Иштирокчиларга қўшма инвестиция ва ишлаб чиқариш лойиҳаларини амалга ошириш имкониятлари тақдим этилади.

Икки томонлама ҳамкорликни кенгайтириш истиқболларига, жумладан, бизнес ҳамжамияти ва давлат идоралари ўртасида мувофиқлаштириш механизмларини ривожлантиришга алоҳида эътибор қаратилади. Қўшма ташаббусларни бошлаш ва амалга ошириш бўйича амалий қадамлар ҳам муҳокама қилиниши кутилмоқда.

Форум Ўзбекистон ва Туркия ўртасидаги бизнес алоқаларини мустаҳкамлаш ва иқтисодий шерикликни кенгайтириш учун платформа сифатида қаралади.