Тошкент, Ўзбекистон (UzDaily.uz) — Ўзбекистон суғурта бозорида 2026 йилнинг биринчи ярмида жами суғурта тўловлари 80,9 фоизга ошиб, 2,253 триллион сўмга етди. Ўтган йилнинг мос даврида бу кўрсаткич 1,245 триллион сўмни ташкил этган. Тўловлар ўсиш суръати шу даврда 28,6 фоизни ташкил этган суғурта мукофотлари ўсишидан сезиларли даражада юқори бўлди. Бу ҳақда Истиқболли лойиҳалар миллий агентлиги (ИЛМА) хабар берди.
Тўловларнинг асосий қисми ҳануз умумий суғурта соҳаси ҳисобига тўғри келмоқда. Ушбу соҳадаги тўловлар 82,6 фоизга ошиб, 2,156 триллион сўмни ташкил этди.
Шундан ихтиёрий суғурта бўйича тўловлар деярли икки бараварга, яъни 97,1 фоизга ошиб, 1,930 триллион сўмга етди. Мажбурий суғурта бўйича эса ўсиш нисбатан мўътадил бўлиб, 12,2 фоизни ташкил этди ва тўловлар 226,4 миллиард сўмга етди.
Ҳаёт суғуртаси соҳасида тўловлар 49,8 фоизга ошиб, 96,6 миллиард сўмни ташкил этди. Жумладан, мажбурий суғурта бўйича тўловлар 25,6 фоизга ошиб, 12,0 миллиард сўмга, ихтиёрий суғурта бўйича тўловлар эса 54,0 фоизга ошиб, 84,5 миллиард сўмга етди.
Умумий суғурта соҳасида фаолият юритувчи суғурталовчилар орасида энг кўп тўловни бозор етакчиси «Apex Insurance» АЖ амалга оширди. Компания томонидан 926,9 миллиард сўм тўланган бўлиб, бу бир йил аввалги кўрсаткичдан 3 баравардан зиёд, яъни 222,8 фоизга юқори.
«O'zbekinvest» ЭИСК АЖда тўловлар янада юқори суръатда ўсди. Компаниянинг тўловлари 380,4 фоизга ошиб, 283,6 миллиард сўмга етди.
«Gross Sug'urta Kompaniyasi» АЖ тўловларни 109,3 фоизга ошириб, 203,9 миллиард сўмга, «Kafolat Sug'urta Kompaniyasi» АЖ эса 100,7 фоизга ошириб, 155,8 миллиард сўмга етказди.
Айрим компанияларда, аксинча, тўловлар ҳажми қисқарди. «Temiryo'l Sug'urta» АЖ тўловларни 58,8 фоизга камайтириб, 14,8 миллиард сўмга туширди. «My-Insurance» АЖда бу кўрсаткич 50,6 фоизга камайиб, 89,9 миллиард сўмни, «Kapital Sug'urta» АЖда эса 22,7 фоизга камайиб, 41,8 миллиард сўмни ташкил қилди.
Ҳаёт суғуртаси соҳасида ҳам тўловлар асосан битта компания ҳисобига тўғри келмоқда. «Apex Life Insurance» АЖ 76,1 миллиард сўм миқдорида тўловларни амалга оширди. Бу бир йил аввалги кўрсаткичдан 64,8 фоизга кўп бўлиб, соҳа бўйича жами тўловларнинг қарийб 79 фоизини ташкил этди.
Соҳанинг қолган компаниялари — «Alfa Life Insurance» тўловларни 11,4 фоизга ошириб, 9,7 миллиард сўмга, «Kafolat Hayot Insurance» 25,5 фоизга ошириб, 2,8 миллиард сўмга, «Agros Hayot» эса 12,8 фоизга ошириб, 1,5 миллиард сўмга етказди. «O'zbekinvest Hayot Sug'urta Kompaniyasi»да эса тўловлар 3,1 фоизга камайиб, 5,8 миллиард сўмни ташкил қилди.
«TBC Sug'urta» АЖ ҳисобот даврида тўловларни амалга оширишни бошлади. Компания 661 миллион сўм тўлади, ўтган йилнинг мос даврида эса тўловлар амалга оширилмаган.
