Changan Automobile

Changan tarixi 1862-yilga borib taqaladi — kompaniya qurol ishlab chiqarishdan boshlagan. 1959-yilda armiya vnedorojniklarini ishlab chiqarishga o'tgan, 1984-yilda esa yapon Suzuki bilan litsenziya kelishuvi asosida Xitoy bozori uchun avtomobillar ishlab chiqarishni boshlagan.

Kompaniya tarixida Suzuki, Ford, Mazda, Peugeot-Citroen kabi brendlar bilan hamkorlik bo'lgan. 2006-yildan boshlab kompaniya o'z brendi ostida, qo'shma korxonalarda to'plangan tajribadan foydalanib, avtomobil ishlab chiqarishni boshladi. Changan Xitoyda 20 milliondan ortiq avtomobil ishlab chiqargan birinchi kompaniya bo'ldi; yillik ishlab chiqarish hajmi 2 milliondan oshadi.

2017-yildan beri Changan ekologiya va xavfsizlik sohalarida faol tadqiqotlar olib bormoqda — bu ikki yirik loyihaga asos bo'ldi: «Shangri-La» (muqobil energiya manbalari) va «Dubhe» (avtonom haydash texnologiyalari). Changan xitoylik avtoishlab chiqaruvchilar orasida birinchi bo'lib elektromobillarni seriyali ishlab chiqarishni boshladi va Huawei bilan birgalikda avtopilot texnologiyalariga sarmoya kiritmoqda.

Global R&D tarmog'i 6 mamlakat va 10 shahardagi 16 ta innovatsion institut va texnologik markazni o'z ichiga oladi: Turin (Italiya) — kuzov dizayni, Yokogama (Yaponiya) — interyer dizayni, Birmingem (Angliya) — dvigatel va uzatmalar qutisi texnologiyalari, Detroyt (AQSH) — shassi va avtonom haydash, Myunxen (Germaniya) — elektromobillar, shuningdek Xitoydagi markazlar, jumladan Chunsindagi bosh R&D markazi. Changanning o'z avtopoligoni — Dianjiang Test Ground — 233 gektar maydonga ega va G'arbiy Xitoydagi eng kattasi hisoblanadi.

Changan brendidan tashqari korporatsiya quyidagi brendlarga ega: Avatr — premium elektromobillar; Deepal — ommaviy elektromobillar va uzoq masofali gibridlar; Kaicene — tijorat transporti; Qiyuan NEVO — o'rta-premium ommaviy segment gibridlari.