Erkin Turdimuf Sirdaryo viloyati hokimi lavozimiga tasdiqlandi

Toshkent, O‘zbekiston (UzDaily.uz) — Erkin Turdimuf rasman Sirdaryo viloyati hokimi lavozimiga tasdiqlandi. U bungacha viloyat rahbari vazifasini bajarib kelayotgan edi.

Uning nomzodini viloyat xalq deputatlari Kengashining navbatdan tashqari sessiyasida O‘zbekiston Prezidenti Shavkat Mirziyoyev taqdim etdi.

Yangi hokimga viloyatning ijtimoiy-iqtisodiy rivojlanishi bo‘yicha belgilab berilgan rejalarni amalga oshirishga doir aniq vazifalar yuklatildi.

Jumladan, 2026 yilda hududga 3 milliard dollar miqdorida investitsiya jalb etish, eksport hajmini 500 million dollarga yetkazish va 185 ming nafar aholini bandlik bilan taʼminlash zarur.

Ushbu chora-tadbirlarning asosiy maqsadi — Sirdaryo viloyatini mamlakatning yetakchi hududlaridan biriga aylantirish, aholi turmush darajasini oshirish va hududning iqtisodiy salohiyatini mustahkamlashdir.