Туркия Президенти Ўзбекистон делегациясини қабул қилди

Тошкент, Ўзбекистон (UzDaily.uz) — Туркия Президенти Режеп Таййип Эрдоған Ўзбекистон делегациясини қабул қилди. Делегация таркибига ташқи ишлар, ички ишлар ва мудофаа вазирлари, шунингдек республика разведка хизмати раҳбари кирди.

Учрашув давомида Ўзбекистон вакиллари Президент Шавкат Мирзиёевнинг энг самимий саломларини етказиб, икки мамлакат ўртасидаги икки томонлама муносабатлар барқарор ижобий динамикани намоён этаётганини, бу эса ўзаро манфаатли ҳамкорликни янада мустаҳкамлаш учун қулай шарт-шароитлар яратаётганини таъкидладилар.

Учрашув «4+4» форматида ўтказилиб, Ўзбекистон ва Туркия ҳукуматларининг турли идоралари ўртасидаги фаол ҳамкорликнинг навбатдаги тасдиғи бўлди.

Томонлар ташқи ишлар вазирликлари келгусида ҳам икки мамлакат етакчилари даражасида эришилган келишувларни тўлиқ ва ўз вақтида амалга ошириш учун барча саъй-ҳаракатларни сафарбар этишини қайд этдилар.