Трамп Мирзиёевни G20 саммитига таклиф қилди

Тошкент, Ўзбекистон (UzDaily.uz) — АҚШ президенти Дональд Трамп Ўзбекистон президенти Шавкат Мирзиёевни Майамида бўлиб ўтадиган G20 саммитига таклиф этди.

Ўзбекистон Республикаси Президенти Шавкат Мирзиёев номига Америка Қўшма Штатлари Президенти Дональд Трампдан мактуб келиб тушди.

Америка раҳбари ўз мактубида Ўзбекистон раҳбарининг шу йилнинг февраль ойида бўлиб ўтган Тинчлик Кенгашининг биринчи йиғилишидаги иштирокини юқори баҳолади.

Мактубда Шавкат Мирзиёев мамлакатни ривожлантиришда салмоқли натижаларга эришаётгани таъкидланиб, шунингдек Ўзбекистонга ташриф буюриш бўйича таклиф учун миннатдорлик билдирилди.

АҚШ президенти ўз навбатида ўзбек етакчисини Тинчлик кенгашининг навбатдаги йиғилишида, шунингдек Майами шаҳрида ўтказилиши режалаштирилган G20 саммитида иштирок этишга таклиф қилди.

Мурожаат «Худо сиз ва буюк Ўзбекистон халқини асрасин» деган сўзлар билан якунланган.