Остонада Ўзбекистон элчихонасининг биноси қурилмоқда

Тошкент, Ўзбекистон (UzDaily.uz) -- 26-феврал куни Қозоғистонда амалий ташриф билан бўлиб турган Ўзбекистон Республикаси Ташқи ишлар вазирининг биринчи ўринбосари Илҳом Неъматов Остона шаҳрида қурилаётган мамлакатимизнинг бўлажак Элчихонаси бинолари мажмуасини бориб кўрди.

Қурилиш ишлари 2018-йилнинг май ойида Қозоғистон пойтахтининг Олма-ота туманида бошланган эди. Элчихона берган маълумотларга кўра дипломатик ваколатхона биносининг қурилиш ишларини 2019-йил якунига қадар тугаллаш мўлжалланган.

Манба: ТИВ расмий сайти.