Тошкент, Ўзбекистон (UzDaily.uz) — Ўзбекистонда Ўткир респиратор вирусли инфекциялар (ЎРВИ) тарқалиши ҳақида ижтимоий тармоқларда тарқалаётган хабарлар ҳақиқатга тўғри келмайди. Бу ҳақда Санитария-эпидемиологик осойишталик ва жамоат саломатлиги қўмитаси раиси ўринбосари Нурмат Атабеков маълум қилди.

"Ҳозирги вақтда мамлакатда мавсумий нафас йўллари касалликлари билан боғлиқ вазият барқарор, хавотирга асос йўқ. ЎРВИ билан касалланиш даражаси куз-қиш ва қиш-баҳор даврида ошади, лекин бу ташвишга сабаб бўлмайди", — деди Атабеков.

Унинг сўзларига кўра, охирги кунлардаги ҳаво ҳароратининг ўзгариши кўплаб одамларнинг кийинишда об-ҳаво шароитларини ҳисобга олмаслигига олиб келмоқда. Бундан ташқари, совуқ фаслда хоналарда ҳаво алмашинуви камайиши вирусларнинг тўпланишига ёрдам беради.

Профилактика чоралари сифатида у фуқароларга касаллик аломатлари пайдо бўлганда гавжум жойларга бормаслик, ижтимоий масофани сақлаш ва шифокорлар тавсияларига амал қилишни тавсия этди.

Иммунитетни мустаҳкамлаш учун эса тўғри овқатланишга риоя қилиш ва об-ҳавога мос равишда кийиниш муҳимлиги таъкидланди.