Тошкент, Ўзбекистон (UzDaily.uz) — ICAOнинг Европа ва Шимолий Атлантика бюроси директори Николас Ралло билан учрашув бўлиб ўтди.

"Ўзавиация" агентлиги ҳамда Транспорт вазирлиги вакиллари иштирокида бўлиб ўтган учрашувда ICAO стандартларини Ўзбекистон қонунчилигига татбиқ этиш ҳолати муҳокама этилди.

Учрашувда Н.Ралло 2023 йилда ўтказилган ICAO аудити натижалари ва аниқланган камчиликларни бартараф этиш бўйича амалга оширилган ишлар билан батафсил танишиб чиқди.

Ташриф доирасида ICAO Европа ва Шимолий Атлантика идораси директори “Centrum Air”, “Qanot Sharq” ва “Air Samarkand” авиакомпаниялари раҳбарияти ва ходимлари билан алоҳида учрашувлар ўтказди.

Музокаралар давомида томонлар авиакомпанияларни ривожлантириш борасида узоқ муддатли режалар, эришилган ютуқлар ва долзарб масалаларни муҳокама қилди.

Centrum Air, Qanot Sharq ва Air Samarkand авиакомпаниялари вакиллари яқин келажакда ICAO (IATA Operational Safety Audit) сертификатидан ўтиш ниятида эканликларини маълум қилишди, бу эса уларнинг халқаро хавфсизлик стандартларига риоя қилиш мажбуриятини тасдиқлайди.