Asfarma Ўзбекистон билан фармацевтика ишлаб чиқаришини кенгайтириш масалаларини муҳокама қилди

Тошкент, Ўзбекистон (UzDaily.uz) — 2026 йил 15 январь куни Фармацевтика тармоғини ривожлантириш агентлигида Asfarma компанияси вакиллари билан учрашув бўлиб ўтди.

Учрашувда фармацевтика ҳамда тиббий маҳсулотлар ишлаб чиқариш, шунингдек, биологик фаол қўшимчалар соҳасида ҳамкорликни йўлга қўйиш ва кенгайтириш истиқболлари атрофлича муҳокама қилинди.

Музокаралар чоғида меҳмонларга «Tаshkent Pharma Park» фармацевтика кластери ҳудудида амалга оширилаётган инвестиция лойиҳалари, маҳаллий ишлаб чиқаришни ривожлантириш имкониятлари ҳамда инвесторлар учун яратилган қулай шарт-шароитлар ҳақида батафсил маълумот тақдим этилди.

Учрашув конструктив ва ўзаро манфаатли руҳда ўтиб, икки томонлама ҳамкорликни янада чуқурлаштириш ҳамда қўшма лойиҳаларни амалга оширишга бўлган ўзаро қизиқишни намоён этди.