ЙПХ инспектори Ҳосилбек Эшназаров оиласига квартира ва «Жасорат» медали топширилди

Тошкент, Ўзбекистон (UzDaily.uz) — Тошкент шаҳар Ички ишлар бошқармасида хизмат бурчини бажариб вафот этган Йўл-патруль хизмати инспектори Ҳосилбек Эшназаров хотирасига ёдгорлик лавҳаси ўрнатилди.

Маросим давомида Эшназаров оиласига президент совғаси сифатида уч хонали квартира калитлари топширилди ҳамда марҳумга «Жасорат» медали тақдим этилди. Департамент маълумотига кўра, мустақиллик йиллари давомида хизмат бурчини бажариш жараёнида ички ишлар органлари ходимларидан 118 нафари ҳалок бўлган.

Шунингдек, Қашқадарё вилояти, Гузар туманидаги 62-мактабда, Ҳосилбек Эшназаров ўқиган мактабда, унинг хотирасигаёдгорлик лавҳаси ўрнатилиши режалаштирилган. Ушбу тадбирлар ходим хотирасини абадийлаштириш ва оиласини қўллаб-қувватлашга қаратилган.