Xорижий инвестициялар 9 ойда 24,9 миллиард долларга етди

Тошкент, Ўзбекистон (UzDaily.uz) — Миллий статистика қўмитаси маълумотларига кўра, 2025 йилнинг январь–сентябрь ойларида Ўзбекистон жами 24,9 миллиард АҚШ доллари миқдорида хорижий инвестициялар ва кредитларни жалб қилди.

Инвестициялар тузилмасида энг катта улуш Хитой ҳиссасига тўғри келди — 39,9 фоиз. Ундан кейинги ўринларда Россия (7,8 фоиз) ва Туркия (7,7 фоиз) жойлашди.

Шунингдек, Саудия Арабистони (3,8 фоиз), Германия (3,5 фоиз) ва Буюк Британия (3,3 фоиз) ҳам мамлакат иқтисодига сезиларли ҳисса қўшган.