Uzbekistan Airways умра дастури бўйича Саудия Арабистонига зиёрат рейсларини тўхтатмоқда

Тошкент, Ўзбекистон (UzDaily.uz) — Uzbekistan Airways авиакомпанияси Ўзбекистондан Саудия Арабистонига умра дастури бўйича зиёратчиларни ташишни республика авиация ҳокимиятининг махсус кўрсатмасига қадар вақтинча тўхтатмоқда. Тўхтатиш Тошкент — Жидда — Тошкент йўналиши бўйича барча рейсларга тааллуқли.

Компаниянинг расмий хабарида таъкидланишича, «Ўзбекистон Республикаси авиация ҳокимиятининг кўрсатмасига мувофиқ, мамлакатнинг барча авиакомпанияларига алоҳида огоҳлантиришга қадар Ўзбекистон Республикаси зиёратчиларини умра дастури бўйича Саудия Арабистони Қироллигига олиб боришни тўхтатиш топширилган».

Шу билан бирга, 2026 йил 2 мартдан бошлаб Uzbekistan Airways умра дастури доирасида авиакомпания рейслари орқали Саудия Арабистони Қироллигига етиб борган Ўзбекистон фуқароларини қайтариш учун Жидда — Тошкент йўналиши бўйича репатриация рейсларини ташкил этади.

Ушбу қарор ватандошларнинг хавфсизлигини таъминлаш ва уларни Ватанга тартибли равишда қайтариш мақсадида қабул қилинган.