Uzbekistan Airways CALC билан ҳамкорликни кенгайтирмоқда: тўртта янги Airbus A321neo  авиакомпания паркини тўлдиради

Тошкент, Ўзбекистон (UzDaily.uz) — Uzbekistan Airways ва CALC (China Aircraft Leasing Group Holdings Limited) лизинг компанияси икки классли салон конфигурациясига эга тўртта янги Airbus A321neo ҳаво кемасиниетказиб бериш бўйича дастлабки келишув (letter of intent, LOI)имзолади. Ҳаво кемаларини етказиб бериш 2027-2028 йилларга мўлжалланган.

Янги ҳаво кемалари Airbus компаниясининг замонавий Airspace Premium салонлари, замонавий кўнгилочар тизим ва бортда симсиз юқори тезликдаги интернетга уланиш имконияти билан жиҳозланади. Ушбу ечимлар йўловчиларга парвоз пайтида рақамли хизматлардан фойдаланиш имконини беради ва бортда юқори даражадаги қулайликни таъминлайди. Имзоланган келишувлар Uzbekistan Airways ва CALC ўртасидаги муваффақиятли ҳамкорликнинг мантиқий давоми бўлди. Ҳамкорлик авиакомпания ва дунёнинг етакчи лизинг берувчиларидан бири ўртасидаги муносабатларнинг барқарор ривожланишини намойиш этади.

2026-2028 йилларга мўлжалланган авиапаркни янгилаш ва кенгайтириш бўйича узоқ муддатли дастурга мувофиқ, 2028 йил охиригача Uzbekistan Airways CALC компаниясидан олтита Airbus A321neo ҳаво кемасини қабул қилиб олишни режалаштирмоқда. Ушбу қадам авиакомпанияга Airbus A321neo  авиалайнерлари сонини 15 тага етказиш ва Марказий Осиёнинг етакчи авиаташувчиси сифатидаги мавқеини мустаҳкамлаш имконини беради.

“CALC билан ҳамкорлик Узбекистан Аирвайсъни модернизация қилиш йўлидаги муҳим босқичдир. Биз флотни тизимли равишда янгилаб, замонавий технологияларни жорий этмоқдамиз ва йўловчилар қулайлигига алоҳида эътибор қаратмоқдамиз. Янги Airbus A321neo  самарадорлик, илғор муҳандислик ечимлари ва йўловчилар учун қулайликни ўзида мужассам этган бўлиб, бу бизнинг барқарор ривожланиш ва халқаро бозорда рақобатбардошликни ошириш стратегиямизга тўлиқ мос келади,” –деди Uzbekistan Airways бошқаруви раиси Шухрат Худайкулов.

CALC президенти ва тижорат директори Винни Лю шундай деди: “Биз тўртта A321neo  ҳаво кемасини етказиб бериш бўйича янги келишув туфайли Uzbekistan Airways билан ҳамкорлигимизни мустаҳкамлашдан мамнунмиз. Ушбу сўнгги авлод ҳаво кемалари CALC авиакомпаниясини флотни янгилаш учун барқарор ва мослашувчан ечимлар билан қўллаб-қувватлашга бўлган интилишини акс эттиради, бу эса эксплуатация самарадорлиги ва йўловчилар қулайлигини оширади. Ушбу битим CALC'нинг глобал портфелимизда аҳамияти тобора ортиб бораётган Марказий Осиё минтақасидаги иштирокини янада кучайтиради.”

Янги Airbus A321neo  ҳаво кемаларининг етказиб берилиши Uzbekistan Airways'нинг транспорт самарадорлигини ошириш, йўналишлар тармоғини кенгайтириш ва углерод изини камайтиришга қаратилган флотни модернизация қилиш ва хизмат кўрсатишни рақамлаштириш бўйича кенг кўламли дастурининг бир қисми бўлади.

CALC билан шартномалар имзоланиши авиакомпаниянинг замонавий ечимларни жорий этиш, халқаро ҳамкорликни ривожлантириш ва йўловчиларга хизмат кўрсатиш сифатини доимий равишда яхшилаш бўйича стратегик йўналишини яна бир бор таъкидлайди.