Туркия ижтимоий тармоқларда Global Sumud флотилияси ҳодисаси ортидан Исроил билан денгиз савдоси ҳақидаги хабарларни рад этди

Тошкент, Ўзбекистон (UzDaily.uz) — Баъзи ижтимоий тармоқларда “Global Sumud" флотилияси Исроил ҳужумига учраган пайтда, ўша ҳудудда Туркиядан Исроилга бораётган савдо кемалари бўлган” деган ва шу орқали Туркия билан Исроил ўртасида денгиз савдоси давом этаётгани ҳақидаги иддиалар жамоатчиликни чалғитишга қаратилган атайлаб уюштирилган тарғибот кампаниясининг бир қисмидир, деди Туркия ҳукумати.

Расмий баёнотга кўра, Туркия 2024 йил 2 май санасидан бошлаб Исроил билан экспорт, импорт ва транзит савдо операцияларини қамраб олган барча маҳсулотларни бутунлай тўхтатган. Мазкур санадан кейин божхона органларига топширилган чиқиш декларациялари ва экспорт баённомаларида Исроилга оид ҳеч қандай операция мавжуд эмас.

Қабул қилинган қўшимча чоралар доирасида Исроил байроғи остида, Исроилга тегишли ёки у билан алоқадор кемаларнинг Туркия портларига кириши тақиқланган. Шунингдек, Исроилга ҳарбий юк олиб бораётган хорижий байроқли кемаларнинг ҳам Туркия портларига киришига рухсат берилмайди.

Фақатгина Фаластинга ёрдам ёки савдо қилаётганини ҳужжат билан тасдиқлаган, ҳар бир баённомаси Фаластин Миллий Иқтисодиёт вазирлиги томонидан маъқулланган ва кемада Исроилга тақиқланган юк мавжуд эмаслигини оид кемаларни Туркия портларига киришига рухсат берилади.

Ушбу тартиб кучга кирганидан буён кўплаб Исроил билан алоқадор кемаларнинг Туркия портларига кириши тўхтатилган; кўрсатмаларга зид равишда ҳаракат қилган турк байроғидаги кемалар эса байроқдан чиқариб ташлаш жараёнига дуч келган.

Баёнотда ижтимоий тармоқдаги постларда тилга олинган 7 кеманинг бирортаси Туркия байроғи остида эмаслиги аниқланган; улардан 4 тасида Туркия портларидан ҳеч қандай юк ортилмаган, 1 таси эса фақат бошқа портлардан олган юкини Туркияга туширган ва Исроил савдосига воситачилик қилмаган. Қолган 2 кема эса порт чиқиш декларациясига зид равишда Ҳайфага борганлиги учун Туркия портларига кириши тақиқланган ва улар бўйича зарурий ҳуқуқий жараёнлар олиб борилмоқда.

Туркия, ижтимоий тармоқлардаги постлар Фаластинни қўллаб-қувватлашдаги қатъий позициясини соя остида қолдиришга қаратилган онгли кампаниянинг бир қисми эканини таъкидлади. Расмийлар Туркиянинг Фаластин халқининг ёнида бўлишда давом этишини ва қатъий позициясини сақлаб қолишини такрорлади.