Тошкентнинг янги аэропортига алоҳида метро йўли қурилади

Тошкент, Ўзбекистон (UzDaily.uz) — Тошкентнинг янги халқаро аэропортига алоҳида метро йўлини тортиш режалаштирилган. Бу ҳақда Президент Шавкат Мирзиёев «Oʻzbekiston 24» телеканалида эфирга узатилган «Менимча» дастурида маълум қилди.

Давлат раҳбарининг сўзларига кўра, янги метро йўли пойтахтни Янги Тошкент билан боғлайди, шаҳардан терминалгача бўлган йўл 25 дақиқадан ошмайди. Маршрутнинг умумий узунлиги тахминан 24 километрни ташкил этади.

Аэропорт қурилиши ҳамда ҳаво паркни 105 та самолётдан 180 тагача кенгайтириш лойиҳаси, дастлабки баҳоларга кўра, мамлакат иқтисодиётига йилига тахминан 770 миллион доллар даромад келтиради.

Йўловчилар қулайлиги учун махсус шаттллар йўлга қўйилади ва комплекс келгусидаги метро йўли билан интеграция қилинади.