Тошкент, Ўзбекистон (UzDaily.uz) — Республика тез тиббий ёрдам маркази аҳоли тез тиббий ёрдам бригадаси қаерда жойлашгани ва қанчалик тез етиб боришини кўриш имконини берувчи тажриба лойиҳасини ишга туширди. Янги ечим диспетчерларнинг иш юкламасиини сезиларли даражада камайтириши керак. Лойиҳа “Yandex Uzbekistan”нинг технологик ечими ёрдамида амалга оширилди: тез тиббий ёрдам бригадасининг ҳаракатларини браузерда электрон харитада, келажакда эса «Yandex Go» мобил иловасида кузатиш мумкин бўлади.

Тез тиббий ёрдам чақиргандан сўнг, тизим автоматик равишда бригаданинг ҳаракати реал вақт режимида кўрсатиладиган электрон харитага ҳавола билан СМС-хабар юборади. Лойиҳанинг кейинги босқичида фойдаланувчилар «Yandex Go» мобил иловасидан бригаданинг жойлашуви ва унинг келишининг тахминий вақти тўғрисидаги маълумотлар билан push-билдиришномаларни олишади. Ушбу маълумотни тўғридан-тўғри иловадан баҳам кўриш мумкин бўлади. Лойиҳа тез тиббий ёрдам фаолиятида шаффофликни ошириш ва диспетчерларнинг иш юкламасини камайтиришга қаратилган. Ечим Yandex Mapsдан JavaScript API ёрдамида амалга оширилди.

Республика тиббий тиббий ёрдам маркази маълумотларига кўра, диспетчерлар мамлакатимиз бўйлаб ҳар куни ўртача 40 мингтагача кирувчи чақирувларни қабул қилади, уларнинг 60 фоизи шошилинч ҳолатларидир.

"Рақамлилаштириш жараёнларни янада шаффоф ва инсонлар учун очиқ қилади. Умид қиламизки, тез тиббий ёрдам бригадаси қаерда жойлашганлиги тўғрисида маълумот бригадани қабул қилишга тайёргарликни тезлаштиришга ёрдам беради. Hozirda bu yechim Toshkent shahrida шошилинч чақирувлар uchun amal qiladi, biroq biz kelajakda loyihani kengaytirish imkoniyatini ko‘rib chiqyapmiz”, — таъкидлайди Республика тез тиббий ёрдам маркази директори Абдувоитжон Гафуров.

Республика тез тиббий ёрдам маркази мамлакатимизнинг барча фуқароларига тез тиббий ёрдам хизматини кўрсатиш сифати, қулайлиги ва самарадорлигини ошириш мақсадида соғлиқни сақлаш тизимига рақамли технологияларни жорий этишни давом этади.