Тошкентда мультимодал транспорт бўйича халқаро форум бўлиб ўтди

Тошкент, Ўзбекистон (UzDaily.uz) — Тошкентда Евросиёнинг транспорт-логистика архитектурасини ривожлантириш истиқболларини муҳокама қилиш учун муҳим майдон бўлган мультимодал ташувлар бўйича халқаро форум ўтказилди.

Форум туркий дунё мамлакатлари ва ҳамкор мамлакатларнинг давлат идоралари, халқаро ташкилотлар, ташувчилар уюшмалари ва логистика компаниялари раҳбарларини бирлаштиргани минтақанинг жаҳон савдоси ва транзитидаги ўсиб бораётган ролини тасдиқлайди.

Форумда интеграция жараёнларини жадаллаштириш, транспорт йўлакларини кенгайтириш, очиқлик, ишонч ва ўзаро манфаатдорлик тамойилларига асосланган ягона логистика экотизимини шакллантириш зарурлигини таъкидланди.

Биринчи панель муҳокамаси транспорт ўзаро боғлиқлигини мустаҳкамлашда Ўрта коридорнинг ролига бағишланди. Қўшма операторлар, индустриал-логистика марказлари ва хабларини ташкил этиш, шунингдек, денгиз, темир йўл ва автомобиль йўналишларини интеграциялаш истиқболларига алоҳида эътибор қаратилди.

Иккинчи сессияда экспертлар порт ва қуруқлик инфратузилмасини ривожлантириш, денгиз ташувларининг замонавий тенденциялари ва глобал логистика занжирларининг ўзгариши масалаларини муҳокама этишди. Иштирокчилар юк оқимларини оптималлаштириш учун инвестицион ҳамкорлик, терминал қувватларини модернизация қилиш ва илғор технологияларни жорий этиш муҳимлигини таъкидлашди.

Тадбирнинг алоҳида қисми транспорт соҳасини рақамлаштириш - электрон ҳужжат айланишини жорий этиш, рақамли платформаларни интеграциялаш, тартиб-таомилларни автоматлаштириш ва божхона операцияларини соддалаштириш масалаларига бағишланди. Муҳокамаларда транспорт вазирликлари, божхона хизматлари, темир йўл компаниялари, IТ-компаниялар ва халқаро ташкилотлар вакиллари иштирок этишди.

Мазкур форум минтақа давлатларининг Евросиё йўналишлари рақобатбардошлигини ошириш, мультимодал ечимларни ривожлантириш ва савдо-транзит занжирлари барқарорлигини таъминлашга қаратилган транспорт ҳамкорлигининг янги даражасини шакллантиришга интилишини намойиш этмоқда. Эътибор марказида иқтисодиёт ва бизнес манфаатлари йўлидаги амалий қадамлар ва узоқ муддатли ечимлар турибди.