Тошкент марказида Lixiang L9 йўл-транспорт ҳодисасидан сўнг металл уюмига айланди

Тошкент, Ўзбекистон (UzDaily.uz) — Тошкентда Lixiang L9 автомобили иштирокида оғир йўл-транспорт ҳодисаси содир бўлди. Ҳодисанинг видеолавҳалари ижтимоий тармоқларда тарқалди.

Гувоҳларнинг сўзларига кўра, авария кеча тонг олдидан «Пушкин» метро бекати яқинидаги Мустақиллик проспектида юз берган.

Автомобиль катта тезликда ҳаракатланаётган пайтда бошқа транспорт воситасига тегиб кетган, шунинг ортидан ҳайдовчи бошқарувни йўқотиб, йўл тўсиғига урилиб кетган.

Зарба шунчалик кучли бўлганки, машина деярли бўлакларга ажралиб кетган ва унинг парчалари йўлга сочилиб кетган.

Ҳозирча мутасадди идоралар томонидан расмий изоҳ берилмади.

Ҳодиса бўйича суриштирув олиб борилмоқда.