Тошкент бошқариладиган автотураргоҳлар ва “ақлли” транспорт тизимига ўтмоқда

Тошкент, Ўзбекистон (UzDaily.uz) — Пойтахт аҳолиси ва транспорт воситалари сонининг ортиши йўл тармоғига юкламани кескин кучайтириб, 7–8 баллгача чиқадиган тирбандликларга сабаб бўлмоқда.

Эски бошқарув усуллари эндиликда мегаполиснинг замонавий чақириқларига жавоб бера олмаяпти.

Ўзбекистон Президенти қарори доирасида транспорт тизимини ислоҳ қилиш бўйича комплекс стратегия амалга оширилмоқда.

Асосий чора-тадбирлар қаторида — бошқариладиган автотураргоҳлар ташкил этиш, электромобиллар учун 2 000 та зарядлаш станцияси тармоғини ривожлантириш ва транспорт ҳамда пиёдалар ҳаракатини реал вақтда кузатиш имконини берувчи рақамли шаҳар харитасини жорий этиш мавжуд.

Ушбу ташаббуслар йўлларни модернизация қилиш, шаҳар муҳитини янада қулайлаштириш ва Тошкентни “ақлли” мегаполисга айлантиришга қаратилган.