Тимур Кападзе «Навбаҳор» футбол клубининг бош мураббийи этиб тайинланди

Тошкент, Ўзбекистон (UzDaily.uz) — Бугун «Навбаҳор» футбол клуби расман Тимур Кападзени жамоанинг бош мураббийи лавозимига тайинланганини эълон қилди. Таҗрибага эга мутахассис клуб раҳбарияти билан асосий масалаларни муҳокама қилди, яқин давр учун режа ва мақсадларни келишиб олди ҳамда шартнома имзолади.

Тимур Кападзе ўзбек футболидаги энг таниқли намояндалардан бири ҳисобланади. У мураббийлик фаолияти давомида ёшлар жамоаларидан тортиб миллий терма жамоагача бўлган турли даражадаги таркибларга раҳбарлик қилиб, халқаро майдонда муҳим натижаларга эришган.

Клуб раҳбарияти Кападзенинг тажрибаси, профессионал қараши ва замонавий ёндашуви «Навбаҳор»нинг белгиланган мақсадларга эришиши ва жамоанинг мавқеини мустаҳкамлашида муҳим омил бўлишини қайд этди.

Бугундан эътиборан янги бош мураббий жамоа билан бевосита иш бошлайди.

«Навбаҳор» футбол клуби 2025 йилги мавсумни Ўзбекистон Суперлигасида еттинчи ўринда якунлаб, 40 очко тўплади.