Тошкент, Ўзбекистон (UzDaily.uz) — Мамлакатнинг энг йирик рақамли банки бўлган TBC Bank, Швейцариянинг импакт-инвестицияга ихтисослаштирилган BlueOrchard Finance Ltd (“BlueOrchard”) компанияси бошқарувидаги фонддан 20 миллион АҚШ доллари миқдорида маблағ жалб қилганини эълон қилади.

Мазкур янги битим натижасида TBC Bank BlueOrchard орқали жалб қилган умумий маблағ ҳажми 45 миллион АҚШ долларга етди. Аввалги молиялаштириш шартномаси 2024 йил август ойида тузилган бўлиб, унинг доирасида банк 25 миллион АҚШ доллари миқдорида маблағ олган эди.

Ажратилган маблағлар келгусида TBC Bank кредит портфелини кенгайтириш ва молиявий хизматларнинг мамлакат бўйлаб янада оммалашишига йўналтирилади, шу билан бирга, кичик ва ўрта бизнес учун махсус молиявий маҳсулотлар қаторини ривожлантиришга алоҳида эътибор қаратилади.

Ника Курдиани, CEO TBC Uzbekistan: “Биз BlueOrchard билан ҳамкорликни янада мустаҳкамлаш ва КЎБ сегментида кредитлашни йўлга қўйиш арафасида қўшимча маблағ жалб қилиш имкониятини юқори баҳолаймиз. Бу бизга молиялаштириш манбаларини диверсификация қилишда давом этиш ва Ўзбекистондаги кичик ҳамда ўрта бизнес субъектларига ўз фаолиятини кенгайтириш ва мамлакат иқтисодиётининг ўсишини рағбатлантириш учун зарур бўлган кредитларни тез ва қулай тақдим этиш имконини беради”.

Филипп Мюллер, CEO BlueOrchard: “TBC Bankнинг Ўзбекистонда молиявий хизматларнинг мавжудлигини кенгайтириш бўйича миссияси BlueOrchard компаниясининг корпоратив қадриятларига тўлиқ мос келади ва биз ҳамкорлигимизнинг ривожланишидан мамнунмиз. Ишончимиз комилки, ажратилган қўшимча маблағлар ТБС Банк Узбекистанга минтақада кичик ва ўрта бизнеснинг ўсиши ҳамда ривожланишини жадаллаштиришга ёрдам беради”.