Самарқандда Cobalt ҳайдовчиси катта тезликда аэропорт тўсиғига бориб урилди

Тошкент, Ўзбекистон (UzDaily.uz) — 2025 йил 3 сентябрь куни соат 01:00 лар атрофида Самарқанд шаҳри, Ибн Сино кўчаси — аэропорт ҳудудида йўл-транспорт ҳодисаси содир бўлди, деб хабар бермоқда вилоят ЙҲХБ матбуот хизмати.

«Cobalt» русумли автомобиль ҳайдовчиси тезликни меъёридан оширган ҳолда ҳаракатланиб, руль бошқарувини йўқотган ва йўлда ҳаракатланаётган «скутер»ни уриб юбориб, аэропорт кириш қисмидаги автоматик тўсиққа бориб урилган.

Ҳодиса оқибатида скутер ҳайдовчиси ва йўловчиси шифохонага мурожаат қилган.

Ҳолат юзасидан Самарқанд шаҳри ИИО ФМБ ЖХХ ЙҲХБ томонидан дастлабки суриштирув ишлари олиб борилмоқда.