Саида Мирзиёева Лондонда баронесса Ротшильд билан музокаралар ўтказди

Тошкент, Ўзбекистон (UzDaily.uz) — Ўзбекистон Президенти Администрацияси раҳбари Саида Мирзиёева Лондон шаҳрида баронесса Ариэль Малард де Ротшильд билан музокаралар ўтказди.

Ўзининг Telegram-каналида у баронессага учрашув ва қизиқарли экскурсия учун миннатдорчилик изҳор этди ҳамда Ўзбекистондаги жадал ривожланиш, аниқ ислоҳотлар стратегияси ва мустаҳкам иқтисодий база ҳақида тўхталиб ўтди.

Саида Мирзиёева шунингдек, Rothschild & Co компаниясининг мамлакатдаги ислоҳот жараёнларида фаол иштирок этаётганини алоҳида қайд этиб, келгусидаги ўзаро манфаатли ҳамкорликка умид билдирди.

Эслатиб ўтамиз, шунинг олдидан Лондонда Ўзбекистон Президенти Администрацияси раҳбарининг Европа тикланиш ва тараққиёт банки президенти Одиль Рено-Бассо билан ҳам учрашуви бўлиб ўтган эди.