Тошкент, Ўзбекистон (UzDaily.uz) — Қарши шаҳрининг «Насаф» футбол клуби 2025 йилги Ўзбекистон Суперкубоги ғолиби бўлди. Жамоа 27 май куни Тошкентдаги «Миллий» стадионида бўлиб ўтган финал ўйинида «Андижон» устидан 1:0 ҳисобида зафар қучди.

Ўйиндаги ягона ва ҳал қилувчи гол 72-дақиқада урилди — ҳужумчи Хусайн Норчаев VAR тизими орқали берилган пенальтини аниқ амалга оширди. Пенальти «Андижон» ҳимоячисининг захирадан майдонга тушган Шерзод Насруллаевга нисбатан қўпол ўйини сабабли тайинланган эди.

Учрашувнинг охирги дақиқаларида «Андижон» томонидан кучли ҳужумлар бўлганига қарамай, «Насаф» ҳимояси мустаҳкам турди ва дарвозасини дахлсиз сақлаб қолди.

Бу ғалаба «Насаф» учун клуб тарихи давомида тўртинчи, кетма-кет эса учинчи Суперкубокни тақдим этди. Жамоа бугунгача 2016, 2023 ва 2024 йилларда ҳам ушбу совринни қўлга киритган эди ва сўнгги йилларда ўзбек футболи етакчиларидан бири сифатида мустаҳкам ўринни эгаллаб келмоқда.