Президентимиз юнон-рум кураши бўйича жаҳон чемпионати ғолибига хонадон совға қилди

Тошкент, Ўзбекистон (UzDaily.uz) — Ўзбекистон президенти юнон-рум курашчиси, сўнгги 24 йил ичида ушбу спорт тури бўйича биринчи жаҳон чемпиони бўлган Айтжан Холмахановга квартира совға қилди. Бу ҳақда Тошкент вилояти ҳокимлиги матбуот хизмати хабар берди.

Спортчига Нурафшон шаҳридан уч хонали квартира топширилиб, унинг калитини вилоят ҳокими Зойир Мирзаев шахсан ўзи совға қилди. Бу йил Ўзбекистон терма жамоаси жаҳон чемпионатида битта олтин, битта кумуш ва учта бронза медалини қўлга киритди.

Айтжан Холмаханов 63 килограмм вазн тоифасидаги баҳсларда иштирок этиб, финалда кореялик курашчи Чунг Хан-Чжени мағлуб этди. Унинг бу ютуғи 2001 йилдан буён юнон-рум кураши бўйича жаҳон чемпионатида Ўзбекистон учун илк олтин медаль бўлди.