Тошкент, Ўзбекистон (UzDaily.uz) — Россиянинг Иваново вилоятида жойлашган "Untex Rodniki" ишлаб чиқариш корхонасига "Ўзтўқимачиликсаноат" уюшмаси делегациясининг расмий ташрифи ташкил этилди.

Ташриф давомида делегация фабрикадаги илғор технологик жараёнлар ва ишлаб чиқариш қувватлари билан яқиндан танишди. Томонлар Ўзбекистон ва Россия ўртасидаги савдо-иқтисодий ҳамкорликни янада ривожлантириш, жумладан, тўқимачилик маҳсулотлари импорт-экспорт ҳажмини ошириш масалаларини муҳокама қилдилар.

Шунингдек, Ўзбекистон ҳукумати томонидан хорижий инвесторлар учун яратилган қулай шарт-шароитлар ва имтиёзлар, шу жумладан солиқ енгилликлари, махсус иқтисодий зоналар ва ҳамкорлик дастурлари ҳақида батафсил маълумот тақдим этилди. Ушбу ташриф келажакдаги стратегик лойиҳалар учун мустаҳкам замин яратишга хизмат қилади.

Ўзбекистон ва Россия ўртасидаги тўқимачилик саноатидаги ҳамкорлик янги босқичга чиқмоқда.