Ўзбекистондан мева-сабзавот экспорти 2025 йил январь–ноябрь ойларида 1,9 млрд долларга етди

Тошкент, Ўзбекистон (UzDaily.uz) — Миллий статистика қўмитаси маълумотларига кўра, 2025 йилнинг январь–ноябрь ойларида Ўзбекистон 2 миллион тонна мева ва сабзавот маҳсулотларини 1,9 млрд АҚШ доллари қийматида экспорт қилди.

Экспорт ҳажми ўтган йилнинг шу даврига нисбатан 36,8 фоизга ошди, ушбу маҳсулотларнинг мамлакат умумий экспортидаги улуши эса 6,3 фоизни ташкил этди.

Экспорт таркибига 580,9 минг тонна мева ва резаворлар, 553 минг тонна сабзавотлар, 232,9 минг тонна тарвуз ва қовун, 25,8 минг тонна ерёнғоқ ва ёнғоқлар, 129,6 минг тонна мош, шунингдек 500 минг тонна бошқа қишлоқ хўжалиги маҳсулотлари кирди.