Ўзбекистонда цемент ишлаб чиқариш 2025 йилнинг саккиз ойида 26 фоизга ошди

Тошкент, Ўзбекистон (UzDaily.uz) — Ўзбекистон Республикаси Миллий статистика қўмитаси маълумотларига кўра, 2025 йилнинг январь–август ойлари давомида мамлакат корхоналари томонидан 13,3 миллион тонна цемент ишлаб чиқарилган. Бу кўрсаткич 2024 йилнинг шу даврига нисбатан 26 фоизга юқори.

Сўнгги уч йилда цемент ишлаб чиқаришда барқарор ўсиш кузатилмоқда: 2023 йилнинг январь–август ойларида 8 миллион тонна, 2024 йилда 10,5 миллион тонна, 2025 йилда эса 13,3 миллион тонна цемент ишлаб чиқарилган.