Ўзбекистонда БАА капитали иштирокидаги 414 та корхона фаолият юритмоқда

Тошкент, Ўзбекистон (UzDaily.uz) — 2026 йил 1 январь ҳолатига кўра, Ўзбекистонда Бирлашган Араб Амирликлари капитали иштирокидаги 414 та корхона мавжуд, деб хабар қилди Миллий статистика қўмитаси.

Уларнинг 141 таси қўшма корхона, 273 таси эса тўлиқ хорижий корхоналар ҳисобланади. Бундай корхоналарнинг энг катта қисми пойтахтда жойлашган бўлиб, Тошкент шаҳрида 304 та компания фаолият кўрсатмоқда.

Тошкент вилоятида 32 та, Самарқанд вилоятида 16 та, Фарғона вилоятида 4 та, Андижон вилоятида 8 та, Жиззах вилоятида 6 та, Бухоро вилоятида 7 та, Наманган вилоятида 6 та, Сурхондарё вилоятида 1 та, Хоразм вилоятида 2 та, Навоий вилоятида 5 та, Сирдарё вилоятида 11 та, Қашқадарё вилоятида 4 та ва Қорақалпоғистон Республикасида 8 та шундай корхона мавжуд.