Ўзбекистон ва Латвия ташқи ишлар вазирлари минтақавий ва глобал масалалар юзасидан фикр алмашдилар

Тошкент, Ўзбекистон (UzDaily.uz) — 20 октябрь куни Ўзбекистон Республикаси ташқи ишлар вазири Бахтиёр Саидов Латвия ташқи ишлар вазири Байба Браже билан учрашди.

Томонлар Ўзбекистон-Латвия муносабатларининг ижобий динамикасини муҳокама қилдилар ва сиёсий мулоқотни чуқурлаштириш, савдо ва сармоявий ҳамкорликни кенгайтириш, икки мамлакат халқлари ўртасидаги алоқаларни мустаҳкамлашга содиқликларини яна бир бор тасдиқладилар.

Учрашувда минтақавий ва глобал вазиятнинг долзарб масалалари юзасидан ҳам фикр алмашилди.

Мулоқот, ўзаро ҳурмат ва замонавий халқаро муаммоларни енгиш учун ечимларни биргаликда излаш муҳимлигига алоҳида эътибор қаратилди.