Ўзбекистон ва Кипр икки томонлама мулоқотни фаоллаштириш ва ҳамкорликнинг янги йўналишларини ўрганишга келишиб олдилар

Тошкент, Ўзбекистон (UzDaily.uz) — 20 октябрь куни Ўзбекистон Республикаси ташқи ишлар вазири Бахтиёр Саидов Кипр ташқи ишлар вазири Константинос Комбос билан учрашди.

Томонлар Ўзбекистон ва Кипр ўртасидаги турли соҳалардаги ҳамкорликни кенгайтириш истиқболларини муҳокама қилдилар.

Фаол мулоқотни янада ривожлантириш ва ўзаро манфаатли ҳамкорликнинг янги йўналишларини ўрганиш бўйича келишувга эришилди.

Учрашувда минтақавий ва халқаро миқёсдаги долзарб воқеалар юзасидан ҳам фикр алмашилди.

Томонлар конструктив ҳамкорлик ва икки томонлама муносабатларни мустаҳкамлаш тарафдори эканликларини яна бир бор тасдиқладилар.