Ўзбекистон терма жамоаси Малайзияда Уругвайга қарши ўртоқлик ўйини ўтказади

Тошкент, Ўзбекистон (UzDaily.uz) — Ўзбекистон терма жамоаси футбол бўйича жаҳон чемпионатига тайёргарлик доирасида Уругвай терма жамоасига қарши ўртоқлик учрашуви ўтказади.

Ўзбекистон футбол ассоциацияси маълумотларига кўра, ўйин 13 октябрь куни Малайзиянинг Куала-Лумпур шаҳрида бўлиб ўтади.

Мазкур баҳс ўзбек жамоаси тайёргарлигининг бир қисми сифатида ўтказилади ва мураббийлар штабига футболчиларнинг турнирга тайёргарлик даражасини баҳолаш имконини беради.