Ўзбекистон Сербия билан инвестиция ва ҳамкорлик битимларини тасдиқлади

Тошкент, Ўзбекистон (UzDaily.uz) — Ўзбекистон Республикаси Президенти Шавкат Мирзиёев Сербия билан инвестицияларни ҳимоя қилиш ва иқтисодий ҳамкорликка оид халқаро битимларни тасдиқлаш тўғрисидаги қарорни имзолади.

Қарорга кўра, қуйидагилар тасдиқланди: 2025 йил 28 октябрь куни Тошкент шаҳрида имзоланган Ўзбекистон Ҳукумати билан Сербия Ҳукумати ўртасида инвестицияларни рағбатлантириш ва ўзаро ҳимоя қилиш тўғрисидаги битим;

2025 йил 28 октябрь куни Тошкент шаҳрида имзоланган Ўзбекистон Ҳукумати билан Сербия Ҳукумати ўртасида иқтисодий ҳамкорлик тўғрисидаги битим.

Инвестициялар, саноат ва савдо вазирлиги мазкур халқаро шартномаларни амалга ошириш учун масъул бўлган ваколатли орган этиб белгиланди.

Вазирлар Маҳкамаси ҳамда тегишли вазирлик ва идораларнинг раҳбарлари мазкур халқаро шартномалар кучга кирганидан кейин уларнинг қоидалари амалга оширилиши устидан назоратни таъминлайди.

Мазкур қарорнинг қабул қилиниши Ўзбекистон ва Сербия ўртасида инвестициявий ва савдо-иқтисодий ҳамкорликни мустаҳкамлаш учун ҳуқуқий асос яратади ҳамда қўшма лойиҳаларни амалга ошириш ва хорижий инвестицияларни жалб этишга хизмат қилади.