Ўзбекистон Саноат ва савдо вазирлиги раҳбари Air Products билан янги инвестиция лойиҳалари ва STEAM ташаббусларини муҳокама қилди

Тошкент, Ўзбекистон (UzDaily.uz) — 24 январь куни Инвестициялар, саноат ва савдо вазирлиги раҳбари Лазиз Кудратов АҚШнинг Air Products компаниясининг Европа ва Африка минтақалари бўйича Президенти Иво Болс билан учрашди.

Мулоқот давомида қўшма инвестиция лойиҳаларини амалга оширишнинг жорий ҳолати ва истиқболлари муҳокама қилинди. Қаршида “American Makerspace in Qarshi” инновацион таълим майдончасини ишга тушириш масаласига алоҳида эътибор қаратилди. Мазкур лойиҳа STEAM йўналишларини ривожлантиришга қаратилган.

Лойиҳа таълимни қўллаб-қувватлаш, ижодий ва танқидий фикрлашни ривожлантириш, шунингдек, глобал иқтисодиёт шароитида талаб юқори бўлган техник кўникмаларни шакллантиришга хизмат қилади.

Учрашув якунида томонлар стратегик шерикликни янада чуқурлаштириш ҳамда мамлакатнинг барқарор иқтисодий ва технологик ривожланишига хизмат қилувчи лойиҳаларни амалга оширишга тайёр эканликларини билдирдилар.