Ўзбекистон Маданият ва санъатни ривожлантириш жамғармаси ва Араб дунёси институти ўртасидаги ҳамкорлик истиқболлари муҳокама қилинди

Тошкент, Ўзбекистон (UzDaily.uz) — Ўзбекистон Маданият ва санъатни ривожлантириш жамғармаси раисининг биринчи ўринбосари Азизбек Маннопов ҳамда Ўзбекистоннинг ЮНEСКОдаги Доимий вакили Камол Мухтаров Шавки Абдул Амир — Париждаги Араб дунёси институти бош директори билан учрашув ўтказди.

Суҳбат давомида Жамғарма ва Институт ўртасидаги ҳамкорликни янада ривожлантириш истиқболлари, шунингдек, қўшма маданий ташаббусларни кенгайтириш масалалари муҳокама қилинди.

Томонлар аввалги ҳамкорликнинг муваффақиятли тажрибасини, жумладан “Самарқандга йўл. Ипак ва олтин мўъжизалари” кўргазмасини ўтказиш тажрибасини алоҳида қайд этдилар ҳамда ўзбек рақс санъатига бағишланган янги қўшма лойиҳа имкониятларини муҳокама қилдилар.

ҳунингдек, келгусидаги ҳамкорлик йўналишлари, хусусан профессионал алмашинувлар, қўшма тадқиқотлар ва музей лойиҳаларини ривожлантириш масалалари ҳам кўриб чиқилди.