Ўзбекистон кончилик вазирининг биринчи ўринбосари Endeavour Mining ва In2Metals билан ҳамкорликни муҳокама қилди

Тошкент, Ўзбекистон (UzDaily.uz) — 2026 йил 18 февраль куни Тоғ-кон саноати ва геология вазирининг биринчи ўринбосари Ф. Хамидова вазирлик мутасаддилари билан биргаликда Endeavour Mining ва In2Metals компаниялари вакиллари, хусусан ижрочи вице-президент Соня Скарчелли ва геология қидирув ишлари бўйича вице-президент Эдуардо Этчарт билан учрашди.

Меҳмонлар Endeavour Mining компанияси фаолияти, тоғ-кон саноати соҳасидаги халқаро тажрибаси, ҳамкорликда лойиҳалар амалга ошириш юзасидан маълумот бердилар.

Шунингдек, мулоқот давомида томонлар ишлаб чиқариш ва бошқарув жараёнларида тажриба алмашинуви, техник ҳамда стратегик ҳамкорлик алоқаларини янада мустаҳкамлаш масалаларини муҳокама қилдилар.