Ўзбекистон Финляндиянинг барқарор туризм соҳасидаги тажрибасини ўрганмоқда

Тошкент, Ўзбекистон (UzDaily.uz) — Ўзбекистон делегацияси Финляндияда бўлиб, барқарор туризмнинг муваффақиятли моделини ўрганди — бу ерда иқтисодий ўсиш экология ва маҳаллий ҳамжамиятларга ғамхўрлик билан уйғунлашган.

Иштирокчилар Финляндия Иқтисодиёт ва бандлик вазирлиги, Visit Finland (Туризмни тарғиб қилиш бўлими),Haaga-Helia амалий фанлар университети, шунингдек, Финляндия сайёҳлик (SMAL) ва меҳмондўстлик (MaRa ry) соҳаларининг тармоқ ассоциациялари вакиллари билан учрашдилар.

Делегация Sustainable Travel Finland (STF) тизими, экологик меҳмонхоналар ва айланма иқтисодиёт мисоллари билан яқиндан танишди.

Финляндиянинг тажрибаси Ўзбекистон туризм соҳасида шунга ўхшаш ёндашувларни жорий этишга — сертификация, кадрлар салоҳиятини ривожлантириш ва хусусий сектор билан ҳамкорликни кучайтиришга ёрдам беради.