«O‘zeltexsanoat» уюшмаси Хитой компаниялари билан кабель ва энергетика соҳаларида қўшма лойиҳаларни муҳокама қилди

Тошкент, Ўзбекистон (UzDaily.uz) — «O‘zeltexsanoat» уюшмасида Хитойнинг етакчи компаниялари билан учрашув бўлиб ўтди. Мулоқотда Уюшма бошқарув раиси Мирзиёд Юнусов Хитойнинг «XIAMEN C&D» компаниясининг Марказий Осиё бўйича бош директори Ченжи Жоу ва «Jiangsu Zhongli Group» компанияси президенти Жианю Сан билан музокара олиб борди.

Мулоқотда Ўзбекистонда кабель маҳсулотлари ишлаб чиқаришни йўлга қўйиш, мис хомашёсини қайта ишлаш орқали юқори қўшилган қийматли маҳсулотлар ишлаб чиқариш, шунингдек фотоэлектрик модуллар ва энергия сақлаш тизимлари бўйича кооперация масалалари кўриб чиқилди.

«XIAMEN C&D»нинг таъминот занжири ва логистика тажрибаси асосида Ўзбекистон орқали Жаҳон бозорларига чиқиш имкониятлари ҳам муҳокама қилинди.