ОТБ Ўзбекистон ЯИМ ўсиш прогнозини 2025 йил учун 6,6% даражада сақлаб қолди

Тошкент, Ўзбекистон (UzDaily.uz) — Ўзбекистон иқтисодиёти минтақадаги энг юқори ўсиш суръатларидан бирини сақлаб қолиши кутилмоқда, дея қайд этилган Осиё тараққиёт банкининг (ОТБ) янгиланган прогнозида.

Asian Development Outlook 2025 ҳисоботининг сентябрь ойи нашрига кўра, жорий йилда мамлакат ЯИМ ўсиши 6,6% ни ташкил этади, 2026 йилда эса 6,7% га етказилиши прогноз қилинмоқда.

ОТБ таъкидлаганидек, кўрсаткичлар апрель ойидаги прогнозга нисбатан ўзгармаган ҳолда қолди. Бу эса 2025 йилнинг биринчи ярмида иқтисодиёт кутилганидан ҳам кўпроқ ўсганини англатади, бироқ иккинчи ярмида фаолиятнинг секинлашиши эҳтимоли билан мувозанатлашган.

Осиё ва Тинч океани минтақасидаги кўплаб давлатлардан фарқли ўлароқ, глобал савдо муҳитининг ўзгариши сабабли прогнозлар пасайтирилган бир пайтда, Ўзбекистон барқарорликни намойиш этмоқда. ОТБ баҳосига кўра, ўсишнинг асосий таянчи юқори ички талаб ва экспортнинг жадал ривожланишидир.

Қиёс учун, Осиё ва Тинч океани минтақаси ривожланаётган мамлакатлари учун умумий ўсиш прогнози 2025 йилда 4,8% гача, 2026 йилда эса 4,5% гача пасайтирилди. Бунга АҚШдаги юқори тарифлар, глобал савдодаги ноаниқлик ҳамда геосиёсий хатарлар сабаб бўлмоқда.