Олти нафар ўзбек боксчиси Дубайдаги IBA жаҳон чемпионати финалига чиқди

Тошкент, Ўзбекистон (UzDaily.uz) — Дубай шаҳрида ўтаётган 2025 йилги IBA бокс бўйича жаҳон чемпионатида олти нафар ўзбек боксчиси финал босқичига йўл олди.

60 кг вазн тоифасида Абдумалик Халoқов арманистонлик Артур Базеянни 5:0 ҳисобида ишончли тарзда мағлуб этди. 67 кг вазнда эса Асадхужа Муйдинхужаев молдавиялик Алехандру Парасчива устидан худди шундай — 5:0 ҳисобида ғалаба қозонди.

51 кг вазнда Ҳасанбой Дўстматов арманистонлик Рудольф Гарбойани йирик устунлик билан мағлуб этди.

80 кг вазндаги жанг алоҳида эътибор қозонди — Жавоҳир Умматалиев Кубанинг икки карра олимпия чемпиони Арлен Лопесни ишончли тарзда мағлуб этиб, жангни 5:0 ҳисобида якунлади.

92 кг вазн тоифасида Тўрабек Ҳабибуллаев ҳам кубалик, аммо Озарбайжон шарафини ҳимоя қилаётган Альфонсо Домингесни 5:0 ҳисобида мағлуб этди.

92 кг дан юқори оғир вазн тоифасида Арман Маханов арманистонлик Давит Чалояан устидан 5:2 ҳисобидаги ғалаба билан финалга йўл олди.

Мусобақанинг бронза медалларини 57 кг вазнда Хўжаназар Нортоҷиев — у тожикистонлик Хусравхон Раҳимовга 0:5 ҳисобида имкониятни бой берди — ҳамда 54 кг вазнда Асилбек Жалилов — у россиялик Вячеслав Рогозинга ҳакамлар қарорига кўра 0:5 ҳисобида мағлуб бўлди.

Шунингдек, 75 кг вазндаги ярим финал жанг Фазлиддин Эркинбоевнинг жароҳат олиши сабабли бекор қилинди ва спортчи бронза медали билан тақдирланди.

2025 йилги IBA бокс бўйича жаҳон чемпионатининг финал жанглари 13 декабрь куни бўлиб ўтади.